تنتظرووون الفرج ولا شنو

عدد الرسائل : 56 تاريخ التسجيل : 14/05/2008

السلام

اشوف ماحد نزل مواضيعه ولا قصته هني شحقه عاد مادري تنتظروون الفرج يعني
ولا خايفين احد ينزل قصته او قصه يعرفها اول واحد
اذا جذي مو مشكله انا اعلمكم من المواقف والمقالب اللي سويتها ايام الشطانه

بدون مقدمات وادش في الموضوع
كان عندي صديق الله يستر عليه مانبي نيب اسمه اطلع واروح معاه واسويله دقات وايد وايد منها مثلا"
الفلفل في الأكل او خل في العصير او الحبه السوده ( وهي تلين البطن بسرعه)
بس مثل هالدقه ما اعتقد احد سوها او بسويها انا بعدها صج كسر خاطري شوي بس مو وايد
سمعوا
لاء اقصد اقرو شنو صار

عقب هالعشره والعيش والملح على قولتهم قال الحبيب انا بازوج قلتله الله يوفقك وانا عزوبي للحين ماتزوجت وعقب ماخطب بشوي شهرين ثلاثه قال بيزوج وانه اقول في خاطري بسيطه
اللحين عقب ماطلع وادش وياه بيتعلم على قعدة البيت ةلا بنجوفه الا بالحسره !!
لكن انا مابخليه ينساني واراويك يا فلان
المهم رفيجنا قال بسوي حفلة نسوان بس ومابسوي حفلة رياييل
اتصلت له في ليلة زواجه وقلت له انت وين قال في االبيت قلت له ليش قال ان زوجته في الحفله وهو مابيرووح لأن اهلها بعد ملتزمين شوي ومايحبون حتى في الحفلات يجوفون رياييل او رياييل يجوفونهم
المهم زبدة الحجي انا قلت حق رووحي هذي فرصتك
قلت له انا يايك اللحين والله يمكن عشر دقايق انا عنده وطلع وهو لابس جلابيه بعد
قصيت عليه شوي بالأسئله ها مته المدام تخلص الحفله ومن بيبها وشوي اسئله
قلت له اركب
قال لاء انا لابس جلابيه
قلت له عادي
قال يعني مابننزل من السياره
قلت له لاء
قال ما بنتأخر
قلت له لاء ( احم احم كلش وايد هذا في قلبي عاد ) لا تعلمونه عاد بنيتي
وركب الحبيب وين وين القهوه وما ابي اقول اهي وين بس بعيده عن بيتهم نص ساعه في السياره
قال لاء ما بنزل
قلت ليش
قال انا مو مبدل فشيله
قلت لا عادي بالعكس شحلوها مجعمزه هالجلابيه
قال ما بنزل
قلت اوكي
باجووف تيلفونك
واخذه واشيل البتري والبطاقه واحطهم في مخباي
واقول له انا في القهوه داخل
تبيني دش يلا باي
بعد شوي صج نزل وهو من النوع اللي مايعرف يتحجى بالعدال وقام يتحجى والكل يطالع فيه
وانا الصراحه ميت من الضحك واقوله اكلها
وطلع الحبيب مو شايل بوكه معاه قال انا غلطان لو شايل البوك جان رحت في تكسي
قلت انزين لا تعور راسنا شوي واوديك بيتكم شفيك انت متخرع انك متزوج
وقعد شوي ينسى سالفته بالحجي وشوي يذكر ويقول
عااااد ودني البيت المفتاح مال الشقه عندي ودني زوجتي اللحين بتوصل ويمكن وصلوو بيحاتوني
ويمكن يصير فيهم شي وما سكت
قلت له كل ماتكلم اتأخر وياك
قال والله باسكت بس ودني البيت عمي ودني البيت
انا شمسوي لك علشان تعاقبني عطني التيلفون علشان مايحاتون
قلت ولا حتى تحلم بيها
المهم قعدنا قعده زينه يمكن الساعه وحدة ونص مشينا
بس ما وديته بيتهم
اشتريت عشى ورحت عند البحر وهناك لو يدحن ما في سياره توصله ولا تكسي
قعد يتحجى وصيح ودني خلاص انا باصير خوش ادمي وانا ميت من الضحك وهو يسطر روحه
وانا ابدن مايهزني ريح
وبعدين قلت له خلاص لا تحن اوديك بيتكم بس ان مريت عليك مره من المرات وماطلعت معاي الا كيفك
ومشينا بس مو بيتهم لان اذن الفجر رحنا شيخ عزيز نصلي والله ما اعتقد عرف يقول شي في الصلاه
لا والمؤمنين احنا رايحين شيخ عزيز من الفجر كلش طالعين فيها
بس علشان يتأخر الوقت
قلت شوف انا اوديك البيت لأني مو رأفت بحالك لاء
انا تعبان ابي انام وانت كله تهدر عورت راسي
وصلته بيتهم وقلت بالبركه قام يضحك او يصيح مادري جنه يقول في خاطره ( اي بركه انت خليت فيها بركه بوعباس )
المهم يوم ثاني مو في نفس اليوم لأن طلعت علينا الشمس صج الوقت يمر بسرعه ومانحس فيه هههههه
يوم ثاني اتصل فيه مايرد يومين مايرد بعد اسبوع رحت له وطلع وهو يضحك او يصيح يميع
قلت له انت ما تأدبت اتصل ما ترد
قال اسكت انت اللي سويته مو جليل ما رجعت الصبح الا زوجتي على الدري وتصيح ما عندها مفتاح ونا محد والمكياج اخترب من
للصياح والحر
وانا اتغيشم اقوله ليش انت وين وهو على وده يسطرني
اقول مارجعت الا برطومها واصل للأرض واسبوع وانا اراضيها اعشيها في مرمريز والأبراج يالله يالله رضت
قلت انزين اركب قال لا والله انا قلت لها خلاص ما ارووح وياه مكان بو عباس
بس ما عليكم بعد صيحنا عقبها بشهرين يمكن
وللحين اذا طربان ارووح واصيحه

بس شوي كسر خاطري لأن كله منه شلون يزوج وانا كنت عزوبي

يلا يعيش وياكل غيرها

هااااااا بتحطون قصصكم ولا اسوي فيكم نفس الشي

هههههههههههههههههههههههههههههههههه

مسكيييين كسر خاطري الريال

شله اسوي فيه هلون فقير ههههههههههههههههههههههههههههههه

ماعندي قصص احطهم

مشكووور بو عباس على المقلب ههههههههههههه

ههههههههههههههههههههههههههههههههههههههههههههههههههههههههه

حشى مو مقلب الى الصبح

كسر خاطري

مشكور اخوي على المقلب

عدد الرسائل : 182 تاريخ التسجيل : 14/05/2008

خخخخخخخخخخخخخخخخخخخخخخخخخخخخ
وعليه الريال

مشكور اخووي

ههههههههههههههههههه

مسكين الريال

يكبر وينسة